ég skellti í eitt stykki barnalandssíðu sökum fjölda áskoranna!

http://snudur.barnaland.is

ókei.  smá blogg sökum þess að ég get ekki sofnað því að ákveðinn ófæddur aðili kýs að vaka á nóttunni.  og er með svo mikinn hamagang og læti að það er ekki nokkur leið að vera sofandi á meðan.  en ég syrgi þennan svefnmissi svo sem ekkert mikið.  enda fátt skemmtilegra en að liggja bara og horfa á bumbuna á fleygiferð fram og tilbaka.

já.  það er fátt annað spennandi að gerast í mínu mjög svo viðburðasnauða lífi.

að vísu fékk ég loksins að sjá ástmanninn eftir tveggja vikna fjarveru.  ég held að hormónarnir hafi átt einhvern þátt í því að ég var alveg að fara yfir um af söknuði og fannst eins og ég hefði ekki séð hann í mörg ár.  og þvílíka gleðin þegar hann kom þrammandi niður landganginn, ef ég væri ekki orðin svona fyrirferðamikil hefði ég hlaupið á móti honum, hengt mig á hálsinn á honum og ekki sleppt honum úr augsýn aftur. 

en ég fékk nú bara einn sólahring til þess að kæfa hann með faðmlögum og óléttugeðveiki.  ég reyndi allt hvað ég gat að sannfæra hann um að hann þyrfti ekkert að fara á sjó aftur.  við þyrftum ekkert að eiga peninga.  lofaði að borða bara núðlur og vera ótrúlega ódýr í rekstri.  ég bauðst til þess að sauma föt á barnið úr gömlum fötum af okkur og að hafa það á brjósti þangað til það yrði sex ára.  ég tel mig alveg hafa sýnt fram á að peningar eru óþarfir.

eins og gefur að skilja hlustaði hann ekkert á mig. 

en ég fæ hann nú fljótlega heim aftur.  við þurfum víst að undirbúa komu erfingjans með svæsinni verslunarferð í borgina.  svo ætlum við líka að reyna að fara í þrívíddarsónar.  bara svona til þess að vera alveg 100% viss um að það sé prins á leiðinni.  ég er nefnilega ekkert sú heppnasta í bransanum og það kæmi mér ekkert á óvart að það myndi allt í einu skjótast lítil pjalla út í maí.  jæja.  hún verður þá bara að ganga í strákafötum fram að fermingu.  og búa í bláu herbergi.   

ó mæ.  kyle og amanda í melrose eru að kela. 
ég þarf að veita þessu athygli...

...bless.

ó innihaldslausa líf...

látum okkur sjá, ég er fer fram úr rúminu í fyrsta lagi um tvöleytið á daginn.  íhuga hvað ég get mögulega fengið mér að borða, kveiki á sjónvarpinu, sest í sófann og stend ekki upp aftur fyrr en ég fer að sofa um kvöldið.  fyrir utan stöku pissu- og ælupásur og matarhlé.  enda lítur stofan út eins og það búi fjórir rónar í henni.  í þessum töluðu orðum eru eftirfarandi hlutir á stofuborðinu: saltstangir, ídýfa, 7 skítug glös, bland í poka, vínber, 4 skítugir matardiskar, súkkulaðirúsínur, vínber, 2 epli, sprite flaska, 2 tómar svalafernur og ógrynni af sælgætisumbúðum.

æ ég tek til á morgun.  eða allavega áður en að ástmaðurinn kemur í land.  ætla ekkert að sýna honum mínar réttu hliðar fyrr en eftir nokkur ár.

ég er orðin svo yfirbuguð af leti að það fer í taugarnar á mér að þurfa að sinna einhverjum erindum utan heimilisins því þá þarf ég að klæða mig og greiða mér.  svo ekki sé minnst á ef ég þarf að mála mig.  úff...

jæja,
þarf að fara að hendast í bælið.  það bíður mín lúxus andlitsbað í fyrramálið.  já ástmaðurinn má eiga það að hann passar upp á það að ég fari ekki alveg yfir um.  verst að ég þarf að fara úr náttfötunum.  og að vakna klukkan tíu.  ó það sem á mig er lagt.

bið að heilsa í bæinn
gveiga

jaeja...

eg sit herna a einhverju netkaffi i 35 stiga hita.  yndislegt alveg hreint.  tad er buid ad vera alveg agalega notalegt herna.  bara solbad og aftur solbad.  fyrir utan eina ferd i tivoli tar sem mer tokst ad tapa gedheilsunni eins og svo oft adur.  jesus.  eg helt ad tetta vaeri mitt sidasta.  tegar eg kom ur russibananum ta gat eg ekki stadid i lappirnar og hrundi a einhvern steinsteypuvegg.  mjog skemmtilegt.  en akaflega mikid eg.  
 
svo vann madur nu fegurdarsamkeppni a hotelinu i fyrrakvold. hehehehe.  endalust fyndid.  var uppi a svidi ad gera trautir allt kvoldid og rulladi tessu upp ad sjalfsogdu.  vann fullt af kampavini, dekurdag fyrir okkur astmanninn i einhverju spa og svo fekk eg brunkumedferd. hehehe.  a spani ja.  og svo ber eg audvitad titilinn ms.dynastic. 

jaeja

drottingin er totin i verslunarleidangur..

kved ur blussandi hamingju a benidorm..

já það er víst ekki hægt að segja annað en að það sé glæsileg verslunarmannahelgi að baki...við förum yfir þetta í stuttu máli.

á föstudaginn var grillaður humar í góðum félagsskap og drukkið hvítvín.  mjög gott kvöld framan af og var ég komin í góðan gír og orðin ansi spennt og æst yfir því að sjá jónsa minn á sviði í egilsbúðinni góðu.  en nei.  "driverinn" sem við vorum búin að næla okkur í hættir við allt saman klukkan eitt um nóttina.  þannig að ég var komin heim í ból um hálf tvö leytið með tárin í augunum.

jæja laugardagurinn gekk í garð og lofaði nokkuð góðu.  en nei.  ég komst yfir á norðfjörð í þetta skiptið en ég var búin að vera þar í fimm mínútur þegar ég datt á hausinn og BRAUT í mér báðar framtennurnar.  takk fyrir pent.  ég þurfti svo agalega að pissa og fór að brasa við það að labba niður einhverja brekku til þess að komast í pissuskjól og dett beint á fésið með svona líka góðum árangri.  þannig að næsti áfangastaður var fjórðungssjúkrahúsið á neskaupsstað.  og svo hágrenjandi heim í ból.  ég hef sjaldan átt eins bágt.  ég grét og grét og grét!  ástmaðurinn á sjó, mamma og pabbi fyrir sunnan og aumingja gúllan nánast ein í heiminum.  en svilkonan bauð fram öxl sína sem var vel grátið á. 

sunnudeginum var svo eytt hjá tannlækni.  og svo heima í sófa.  þorði ekki fyrir mitt litla líf að fara út fyrir dyr af ótta við að valda sjálfri mér meiri skaða. 

já glæsileg helgi að baki.  reikningurinn hjá tannsa var ekki fagur á að líta.  sem og fæturnar á mér sem fóru einning illa út úr fallinu.  þannig að ég er nokkrum krónum og tönnum fátækari.  með hrufluð hné og sár á sálinni vegna djammleysis. 

en ég hef sjaldanst bugast af eigin seinheppni.  þetta venst. 

ég er hress, spánn eftir mánuð.  ef ég næ að halda sjálfri mér frá stórslysum þangað til.

gveiga